#StopDesafiuzamentos

Non sei onde lin esta manhá que as revoltas da primavera árabe comezaran con un suicidio. E cicais isto sexa o que lles fixo tomarse a serio o asunto aos 2 partidos dos que ten dependido a lexislación espanhola en todo o período democrático. Non deixo de ruborizarme e sentir vergonha allea cuando leo que PP e PSOE van pactar cuanto antes umha reforma legal contra os desafiuzamentos. É indignante ter que aplaudir este acordo entre os 2 partidos responsables das políticas que tenhen favorecido a especulación inmobiliaria, o sobreendebedamento da poboación, o rescate do seitor financieiro a cualquer prezo e mesmo a reforma constitucional que lle outorga máis soberanía sobre o Estado aos mercados ou a Alemanha do que ao propio pobo espanhol.

A triste nova desta manhá en Barakaldo púxonos os cabelos como escarpias a máis dun, e non só pola tristura e pola dor, senón pola raiba e a impotencia de non poder facer nada contra dos verdadeiros responsables. Porén, non está de máis lembrar que –conforme ao INE- o suicidio é a primeira causa externa de defunción en Espanha, contabilizándose 9 persoas cada día. Tamén se fai preciso reprobar aos medios de comunicación (os mesmos que se tenhen manifestado como voceiros das políticas dun e doutro partido) por ter escollido -máis umha vez- un tratamento sensacionalista da nova, desatendendo as recomendacións que a OMS promoveu no seu día para evitar o Efeito Werther, suxestións entre as que se atopan a de non describir os métodos empregados nos suicidios (para evitar o efeito imitación); non informar do suicidio como consecuencia dumha soa razón ou non tratar ás vítimas como herois ou mártires (pois pode propagar umha falsa idea sobre o prestixio social dos suicidas que pode afectar ás persoas máis vulnerables).

A dúbida que me queda agora é saber se na Moncloa e nas Cortes van agardar a que haxa novos suicidios entre os afectados polas preferentes ou entre os desempregados para ponherse a traballar para o pobo que realmente os mantén e a quen representan.

Mentres, eis o comunicado ao respeito da Plataforma de Afectados pola Hipoteca -PAH-